Negende Grunniger Dainst in
Olle Lutherse Kerke is pronkjewail
van Amsterdam

Op 25 oktober wast weer zo wied: de joarlijkse Grunniger Dainst in hartje van Amsterdam.  Dizze dainst vond veur de negnde ploats in de Olle Lutherse Kerke.
Ook noar dizze dainst kwammen er Grunnigers uut ale houken van Nederland, allerdeegs oet Grunnen wadden der bie dei veur dag en daauw noar Amsterdam kommen wadden.

Dis keer wadden der roem 350 man in kerke.

Ik zulf kon op dizze prachtege zunnige haarfstdag op fietse noar kerke. Nait het koolzoad kleurde gold, moar dij prachtege gele herfstbloadjes aan de bomen leken even op het goldenraand oet ons Grunnerigerlaid.
Het regelplougke, onder leiding van Hanne Wilzing, had ook dit joar alles tot in puntjes regeld. De dainst ston onder leiding van ds Harry Donga en t örgel wui bespeuld deur, ain van de betere Fraize organisten, Christiaan de Vries.  Veur en noa de dainst was er kunst te zain van kunstenoar Jan F. Bogema uut Ter Apel. Prachtege kleurege schilderijen  over t Grunnigerlanad.

Boerderij op het Hogeland – Jan F. Bogema

Veur de dainst sprak ik met wat luu en vruig zo woar ze weg kwammen en of ze hier al eerder west wadden. Ol stadjer Charles (nou Amsterdam) was hier veur de 4e keer, Annemarie uut Uithuizermeden (nou Oostzaan)  was der veur de 2e keer, Frouwke uut  Appingedam (nou Amsterdam) was der veur de 8e keer en Egge uut Zellng (nou Winterswijk) was der veur de eerste keer. Maiste Grunnegers –zo bleek- binnen veur t waark vertrokken uut de provincie of omdat Pa en Ma vrouger verhuusd wadden. Wat opvuil was dat Grunnigers hailmoal nait zo dun in woorden zitten as ze in toal van t haart spreken. Zeker nait op dizze reünie want dat was het ook ja n beetje. Rond half elven begon de dainst dei as thema mit kregen haar  “ Ain woord kìn haile wereld verandern”  noar aonlaiden van Johannes 4: 47-54. In dit bibelgedailte sprek Jezus mit gezag tegen hoge amtenoar uut Kafarnaum “ Goa moar ! Joen zeun blieft leven” Amtenoar vertraauwde op wat Jezus zee en zien wereld, dei in gruzzelementen lag, veranderde. Dizze belofte geld ook vandoage nog.
De dainst wui muzikoal inkleurd deur het duo “ Toalschatten” uut Beem. Heur laidjes onderstrepende het thema van de dainst. De inhold van heur laidjes komt in t Grunnings wel hail dicht bie.  Dizze biezundere dainst wui ofsloten mit Gezang 323 “ Heer, geef ons joen zegen.”  Noa de dainst wui, zoas elk joar, uut volle borst het Grunnigerlaid zongen. De bezuikers hadden genoten van kerkdainst, van onze mooie Grunneger toal, van de Grunneger Kunst, van mekoar en van de gastvrijheid van de Lutherse kerke en waarn wizze van plan D.V. 30 oktober 2016 weer trugge te kommen veur de 10e Grunnegerdainst.
Ast zo wied is pak ik  zeker weer de fietse want dit wil ik veur gain gold missen.

Hendrik Kremers.